ಇಡೀ ರಾತ್ರಿ ಸುರಿದ ಮಳೆ | Idi Ratri Surida Male

ಗಿರಿಧರ್ ಖಾಸನೀಸರ ಮೊದಲ ಸಣ್ಣ ಕಥೆ ಹಾಗೂ ಗಪದ್ಯಗಳ ಸಂಕಲನ 'ಎಲ್ಲಿಂದಲೋ ಹಾರಿ ಬಂದು ಹೊಸ ರೀತಿಯ ಬರೆಹವಾಗಿದ್ದು ಪ್ರಯೋಗಶೀಲತೆ ಮತ್ತು ವಸ್ತುವೈವಿಧ್ಯತೆಯಿಂದಾಗಿ ನಮ್ಮೆಲ್ಲರ ಗಮನವನ್ನು ಸೆಳೆದಿತ್ತು. ಕೆಲವೇ ಪದಗಳಲ್ಲಿ ಗಹನವಾದದ್ದನ್ನು ಹೇಳುವ ವಿಧಾನಗಳನ್ನು ಗಿರಿಧರ್ ಬಳಸಿಕೊಳ್ಳುತ್ತಾರೆ. ಅದೇ ಧಾಟಿಯಲ್ಲಿ 'ಇಡೀ ರಾತ್ರಿ ಸುರಿದ ಮಳೆ' ಎನ್ನುವ ಸಂಕಲನವೂ ಮುಂದುವರೆದಿದೆ. ಪದಗಳನ್ನು ಮಿತವಾಗಿ ಬಳಸಿ, ದೊಡ್ಡ ಕ್ಯಾನ್ಸಾಸನ್ನು ಸೃಜಿಸುವ ಅವರ ಪದ್ಧತಿ ಅನನ್ಯವಾಗಿದೆಯಷ್ಟೇ ಅಲ್ಲ, ಅದು ಎ.ಕೆ. ರಾಮಾನುಜನ್ ಅವರ ಪರಂಪರೆಯನ್ನು ಮುಂದುವರೆಸುತ್ತಿರುವಂತಿದೆ. ಎಷ್ಟೋ ಬಾರಿ ಮರುಓದಿಗೆ ಮತ್ತೊಂದೇ ಅರ್ಥವನ್ನು ಸ್ಪುರಿಸುವಂತಹ ಇಂಥ ಸೃಜನಶೀಲ ಬರೆಹ ಮತ್ತು ಅದರಲ್ಲಿನ ಒಳನೋಟಗಳು ತುಂಬಾ ಅನನ್ಯವಾದದ್ದು. ಪ್ರೊ. ಎಂ. ಎಸ್. ಶ್ರೀರಾಮ್